Salen i Fitjar bedehus var lyssett i alle regnbogens fargar. Foto: Trygve Eiken.

Fitjar Barnegospel feira seg sjølv og alle dei gode medhjelparane sine med ein heidundrande festkonsert i Fitjar Bedehus laurdag kveld.

For høvet var salen i bedhuset stemninsgfullt lyssett i alle regnbogens fargar. Dagfinn Brekke heldt ei kort innleiing og trekte fram alle gode hjelparar koret har hatt, både andaktshaldarar og dei som steller til saft og kjeks i pausane. Velfortent heider og ære til dei.

Koret var denne gongen forsterka med nokre «veteranar», men stamma i koret er framleis alle barna frå fem til ti-elleve. Koret ble leia stødig av dirigent Randi Eiken Brekke, som saman med Helga Olsen Aadland losa oss gjennom konserten.

Og for ein festkonsert det blei! Koret song seg gjennom mange songar frå den 20-årige historia si. Koret har ein egen evne til å få fram flinke solistar, og denne kvelden var ikkje noko unntak. Fleire unge kasta seg utpå og leverte flotte soloprestasjonar.

I tillegg hadde koret fått besøk av ein del tidligare solistar som no kom tilbake og song «sine» gamle songar. Det var gledelege gjensyn.

Men kva er vel barnegospel utan andakt? Trygve Eiken heldt ein morosam og fengjande andakt om Jesus som ei klippe i stormen, og korleis Jesus vil ikle oss festdrakt. Trygve visualiserte dette fint med å koma inn i fullt oljehyre, og forlate andakten i festdrakta si. Koret følgde sjølvsagt opp med klassikaren «Stormen» etter andakten.

Då konserten var over, stansa mange igjen for å slå av ein prat og få seg litt kjeks, saft eller kaffe. Også dette er tradisjonsrik kost på Barnegospel.

Ekstra spiss på konserten sette det at grunnleggjaren, Nina Susanne Rydland Fossum, som sjølv hadde bursdag på lørdag, var med på konserten.

De som er med på barnegospel no er:
Randi Eiken Brekke – dirigent
Helga Olsen Aadland – leder
Kristin Johnsen Vestbøstad – leder
Eli Sigrunn Wiik – leder
Ole Haukeland – lyd og teknikk
Eli Sørfonn – keyboard
Anders Sætre – bass
Bjørnar Jackobsen – trommer
Dagfinn Brekke – gitar

Initiativtakar Nina Susanne Rydland Fossum, dirigent Randi Eiken Brekke og andaktshaldar Trygve Eiken var i storslag under jubileumskonserten. Foto: Kjetil Rydland.