Blant dei 16 tusen deltakarane i Oslo Maraton i helga var tre frå Fitjar, fortel Anne Helene S. Vestbøstad, som var med i løpet for første gong.

Då Oslo Maraton gjekk av stabelen i helga, stilte heile 16 000 deltakarar frå 71 ulike nasjonar på startstreken.  I løpet av helga kunne ein delta på barneløp, 3 km, halvmaraton eller maraton.  Start og mål var ved Akershus festning.

I år var Fitjar Idrettslag representert med tre deltakarar på halvmaraton. Tor Henning Vestbøstad sprang for andre gong, mens Anne Helene og Karsten Vestbøstad sprang halvmaraton for første gong. Totalt var det 6034 som sprang halvmaraton.

Tor Henning Vestbøstad imponerte med tida 1.27.33, som gav han 49. plass av 662 i klassen 35-39 år og den 226 beste tida totalt i Oslo halvmaraton. Karsten Vestbøstad fekk tida 1.37.25 som gav han 75. plass av 355 i klassen 45-49 år, og den 826. beste tida totalt. Anne Helene S. Vestbøstad fekk tida 1.55.18, som gav ho 330. plassen av 1108 i klassen 23-34 år, og den 3086. beste tida totalt.

Trioen frå Fitjar Idrettslag hadde med seg 2 supporterar som heia dei gjennom løpet, fortel Anne Helene, som håper på fleire deltakarar og fleire supporterar frå Fitjar IL til neste år.

På nettsidene til Oslo Maraton finn me bilete av Tor Henning tekne under vegs i løpet.

Og her ser me Anne Helene i aksjon.