Førstkomande søndag blir det ny Finn Fram-dag, skriv Rolf-Atle Rolfsnes i ei pressemelding.

I pressemeldinga skriv han vidare:

«O-gruppa i Fitjar IL inviterer til ny Finn fram-dag kommande søndag. Turen startar frå Tveitasago mellom 12.30 og 13.00 og går til Tveitafossen. Det blir postar med spørsmål til både born og vaksne undervegs, og premie til alle borna. Når ein kjem fram er det gratis pølse til alle, men ein må ta med drikke og eventuelt anna mat sjølv.

Turen går innom nokre turo-postar, og ein kan få kjøpt posen med turorienteringsmateriell om ein ønskjer. Den eine posten er månadens post for mai og juni. Det blir òg skattejakt og andre aktivitetar i området rundt Tveitafossen. Løypa er kanskje litt våt enkelte stader, så det er kan vera lurt med fjellsko eller støvlar.

Styret i o-gruppa ønskjer alle velkommen til ein fin tur i skogen.»