I kyrkja vart det feira bornas påskefest i dag, med fullsette benkerader, barnekor, festkledde dåpsfylgjer og utdeling av førskulebok til dei som skal ta til på skulen til hausten.

At Jesus vann over døden og lever i dag var ramma rundt festen. Førskuleungane i bygda og Fitjar barnegospel var spesielt invitert denne dagen. Barnegospel berika festgudstensta med fantastisk flott, gledesspreiande song, og førskuleungane var komne for å få førskuleboka Tre i eit tre. To born vart borne til dåpen i starten av gudstenesta og dei store bunadskledde dåpsfylgja var eit fint innslag i forsamlinga. Sokneprest Olav Johannes Oma preikte og leia gudstenesta. I talen  tok han utgangspunkt i preiketeksten frå Johannes 10, som handlar om at Jesus er porten, og ein veg med fotspor som vart laga under den særs vellukka kyrkjelydsturen til Helgatun sist helg. Det handlar om å finna den rette vegen og å gå på Guds veg, sa soknepresten.  

Etter gudstensta var det kyrkjekaffi bak i kyrkja for alle som hadde tid til å stoppa der ei stund.  Førskuleungane og familiane deira var invitert til å vera med på middag på bedehuset. Her var det fint pynta og det vart servert rimeleg, familivenleg middag med gode kaker og fruktsalat til dessert. Dette var første gong at Fitjar kyrkjelyd har gjort stas på førskuleungane på denne måten, og dette er ein del av den nye trusopplæringsplanen. Både ungane og foreldra satte pris på opplegget og nokre mindre ungar var heilt tydelege på at neste år er dei førskuleungar, og då er det deira tur til å få bok og å stå i fokus…

Ofte kan bilete sei meir enn tusen ord:

Lena Hillestad vart døypt under Bornas påskefest.

20120422 barnas paaskefest HR03

Dåpsbarnet Ola Engevik Strand, på armen til fadder tante-Maj Engevik, vart vist fram for kyrkjelyden.

20120422 barnas paaskefest HR04

«Jesus har stått opp! Hurra, Hurra!», vart det sunge under gudstensta.

20120422 barnas paaskefest HR05

Ein stor flokk med førskuleungar ventar spende på å få bok av kyrkjelydspedagog SIlje H. F. Fyllingen.

20120422 barnas paaskefest HR06

Førskuleungane var både spende, nervøse og glade då dei mottok boka Tre i eit tre.

20120422 barnas paaskefest HR07

Boka måtte undersøkjast med det same…

20120422 barnas paaskefest HR08

Kom hjem, kom hjem, song Fitjar barnegospel av full hals som postludium.

20120422 barnas paaskefest HR09

Pølsemiddag på bedehuset for førskuleungane og familiane deira.

20120422 barnas paaskefest HR10

Kompisane Johannes M. Oma og Filip Rimmereid storkoste seg med pølsemiddag på bedehuset.

20120422 barnas paaskefest HR11

Dei skuleklare jentene Elisabet Rydland Sæbø, Hanna Vestbøstad og Hanna Lovise Vestbøstad koste seg i kvarandres selskap og med alle dei kjekke opplevingane denne fine søndagen.