Utsikt frå standplass på Skorvo mot Bratteli og Njoten i Rydlandsskogen. Foto: Kjetil Rydland.

I strålande sol søndag ettermiddag avvikla Fitjar Skyttarlag lagmeisterskap i feltskyting med jegerklasse på Rydland.

Åstad for lagmeisterskapet var den vanlege «arenaen» på Skorvo ved Gamle Sæterbøvegen. Den ligg like ved fv. 545 ein liten kilometer sør for vegkrysset på Rydland.

Om banen var gammal og velbrukt, var ikkje alle deltakarane det. I år var det nemleg første gongen juniorane våre fekk vera med på eit slikt stemne i Fitjar. Leiar Anna-Bodil Hestenes Tislevoll gler seg naturlegvis stort over rekrutteringa i Fitjar Skyttarlag.

Fem ungdommar stilte opp, og alle gjorde det bra. Best i juniorklassen blei Johannes Tufteland, med resutatet 27/11. I seniorklassen vann Henning Vik etter ein knivskarp duell med Inge Andreas Waage, ein duell som politimannen vann på fleire innertiarar enn entreprenøren frå Øvrebygda. Totalt deltok tolv skyttarar i seniorklassen og fem i juniorklassen.

Leiaren i Fitjar Skyttarlag gler seg over god deltaking og gode resultat i årets meisterskap i feltskyting. – Me må berre få sett opp ein pokal i juniorklassen òg, seier ei blid Anna-Bodil til slutt.

Resultat junior:

  1. Johannes Tufteland    27/11
  2. Helena Solli                 27/9
  3. Asbjørn Raunholm    26/5
  4. Lars Olai Solli             22/5
  5. Stian Larsen               20/19

Resultat senior:

  1. Henning Vik                   28/18
  2. Inge Andreas Waage    28/15
  3. Odd Jarle Tislevoll        26/9

Med dette fekk Henning Vik det første nappet sitt i vandrepokalen som er sett opp i feltmeisterskapet. Skyttarlaget har fått den flotte sølvpokalen av Fitjar fjellsameige, og tidlegare har Odd Jarle Tislevoll (2016 og 2018) to napp i pokalen, og Inge Andreas Waage har eitt napp (2017).

 

- Annonse -