Kjekt for elevane og publikumet. Foto: Ingrid Hovstad

SFO ved Rimbareid skule inviterte i dag til flaskedyr-utstilling.

Elevane viste i dag fram flotte flaskedyr til familie og vener. Flotte kreasjonar var kome til frå gamle plastflasker, hønsenetting og gips. Heilt sjølv hadde dei dikta opp fantasifulle skapningar, og under opninga lærte me at nokre av dei budde i Antarktis, medan andre budde i Syden.

Utstillinga vart flott opna av Julia og Miriam. Dei fortalde om kreasjonane, og kva som skulle skje på utstillinga. Etterpå song alle elevane «Dyrene i Afrika». Det var god guff i dei, særleg under refrenget.

Så var det offisiell snorklipp. Sjølv med litt trøbbel, grunna dårleg saks, vart snora klippa av og utstillinga opna.

Trøblete snorklipp ødela ikkje humøret. Foto: Ingrid Hovstad

Dei frammøtte fekk gå rundt å kika, og det vart servert lappar, saft og kaffi.

Elevane viste begeistra fram kreasjonane sine, og hausta mykje lovord får publikum.

Ei flott og fargerik utstilling. Sjå bilete av nokre av kreasjonane under: