– Vel var det tungt, men det var ein fantastisk tur, og det gjekk mykje betre enn me trudde på førehand, seier Stian og Morten Torland etter Nordkapp-Lindesnes på sykkel.

Etter 270 mil tøgg tråkking kunne dei i går stilla seg opp for fotografering ved det kjende km-merket på Lindesnes, sju dagar tidlegare enn dei hadde rekna med på førehand.

Etter starten på Nordkapp sykla dei gjennom Lofoten, før dei endra kursen innover i landet via Mosjøen og Lillehammer. Vidare gjekk ferda gjennom Telemark og enda til slutt ved fyret heilt sør i Noreg.

– Me har vore heldig med vêret. Mellom anna har det vore lite motvind og regn. Nedover har me overnatta seks netter i telt og elles teke inn hos kjende og kjære, lagt i hytter og to netter på hotell, smiler Stian på vegner av dei begge.

Dei vil gjerne anbefale turen til andre. Ikkje minst var Lofoten fantastisk. Litt verre var det med Finnmarksvidda. Den var kjedeleg, let det til slutt.

Meir om turen kan du lesa teamtorland.com.