Lars Lunde tar teten frå start, føre Kim Laitinen i 2017. Arkivfoto: Fitjarposten

Om akkurat ein månad brakar det laus med nytt halvmaraton i Midtfjellet.

For fjerde året på rad arrangerer Fitjar Idrettslag og Midtfjellet Vindkraft denne spektakulære idrettshendinga. For dei aller sprekaste er det halvmaraton på 21 km, eller 5419 Fitjar-løpet på 5419 meter å velja mellom. Her er det flotte premiar.

– Dette er den tøffaste, men den vakraste halvmaratonløypa eg har sprunge, sa den ivrige langdistanseløparen Mona Tyssøy etter målgang i 2017. Dei flotte løypene går i nydelege fjellområde, med utsikt over Fitjarøyane over veret er på lag.

For dei som ikkje er i humør til å springa, vert det mogleg å gå turmarsj i 5419 Fitjar-løypa før dei som vil springa legg på sprang. Og for dei under 12 år vert det ein mini-maraton på 1 km, her vert det medaljar til alle som deltek.

Alle løpa startar ved Olstjødno. Halvmaratonen startar 13.00, og 5419 Fitjar-løpet startar 13.15

I fjor vart det rekorddeltaking på dei ulike løpa til tross for skodde og lett regn. Arrangørane håpar at veret spelar meir på lag i år, og at enno fleire vil vera med på dette idrettseventyret.

Det vart sett nye løyperekordar i både halvmaratonen og i 5419-løpeti fjor. Kan nokon slå dei i år?

For meir informasjon og påmelding, sjå Fitjar IL si nettside.

- Annonse -