Sletne, men glade deltakarar etter førre zumbasamling på Fitjar.

Inviterer til nytt zumbamaraton på Fitjar.

Måndag 13.mai kjem nok ein gong spanske Ivan Mondejar Nieto til Fitjar for å halda eit to timars dansemaraton.

Ivan Mondejar Nieto vitja Fitjar sist i februar. Der fekk både nye, og meir erfarne, zumbadansarar rista laus kroppane sine den elles trauste februarkvelden, med den energiske instruktøren i spissen.

– Førre zumbamaraton på Fitjar gjekk over all forventning, og me håpar på å gjenta suksessen, fortel Gunn Maraas.

Zumba med sine heftige rytmar, energiske musikk og morosame dansetrinn passar for folk i alle aldrar, og kjennes meir ut som leik enn trening.

Maratonet byrjar kl.18, og finn stad i kultursalen i Fitjar.

Gjekk du glipp av moglegheita då, eller berre må oppleva dette ein gong til? Påmelding til Gunn Maraas eller Hanna Karlsen via messenger eller telefonnr: 97409398 / 97408723, innan fredag 10.mai.

Dei garanter god stemning og mykje energi!