Endeleg blei det poeng for småjentelaget til Fitjar IL, då dei spela 2-2 mot Bremnes tysdag kveld.

Jentene i årsklassen 1997/98 spelar sin første sesong med 11arfotball, og har så langt ikkje klart å hevda seg så godt. Ved pause såg det ikkje lyst ut i kveld heller. Bremnes leia 2-0 etter ein jamspelt første omgang.

I andre omgang var Fitjar-jentene flinke å utnytta dei sjansane dei fekk, samstundes som dei klarte å halda tett bakover. Begge scoringane kom ved Tone Brakedal, den siste kom berre fem minutt før slutt. Jentene seier seg svært fornøgde med uavgjort, fortel oppmann Kari Raunholm til Fitjarposten.