Arbeidsbåten «Smaragd» som vart døypt ved Meierikaien i ettermiddag, er stort sett eit reint fitjarprodukt.

Båten er bygt ved Fitjar Mek. Verksted AS med Åsmund Sørfonn som prosjektleiar og produksjonssjef. Vestnorske Maritime ved Asbjørn Vik har stått for design og engineering, Vest Elektro har tatt seg av elektrodelen og fitjarbuen Gunnvald Laukhamar i Lido Norway har vore primus motor for innreiinga.

I sin dåpstale til «Smaragd» takka verftsdirektør ved Fitjar Mek., Hugo Strand, rederiet Stava Sjø for svært godt samarbeid, og brukte ord som løysingsorienterte og gode diskusjonspartnarar som stikkord for sin rosande omtale av dei.

Trond Stava som eig båten i lag med kona Herborg, hadde ikkje mindre gode ord om arbeidet som er gjort av Fitjarverftet. «Smaragd» er bygt i perioden frå 11. april til i dag, og Stava var svært imponert over at Fitjar Mek. klarte å  levere som i tide. -Dette gjev både tillit og meirsmak, sa han.