Kven kan det vere ein søndags morgon?

Utanfor huset står ein blid gut og spør om me vil kjøpe aviser. Oppi sekken har han både Dagbladet og Bergensavisen. Det er noko nytt at avisgutar kjem syklande langs gardsvegen på Helland.

Salet varierer, seier guten, som heiter Mathias Koløen. Han har rute frå Hovstad til Breiavikjo, og er difor ikkje konkurrent til den avisguten me skreiv om i september.

– Det er kjekt å tene litt pengar, seier tenåringen i det han pakkar sekken og set kurs mot neste hus.