Redningsmannskap var raskt på plassen etter at dei fekk vita om ulykka. Foto: Håkon C. Hartvedt

Politiet fekk klokka 06:56 i dag tidleg melding om at ein bil var i full fyr i skogen utfor vegen ved Årskog på Fitjar. Då brannmannskap hadde fått slukka brannen, fann dei ein død person inne i bilen.

Truleg har bilen køyrt utfor vegen, kollidert med eit tre og teke fyr. På grunn av sterk forbrenning vil politiet enno ikkje sei noko hundre prosent sikkert om kven den omkomne er. Men alt tyder på at det er ein ung fitjarbu. Den forulykka vil bli sendt til Gades institutt i Bergen for endeleg identifisering.

Fleire tiltak er sett i verk for å følgja opp pårørande og vener.

Redningsmannskap var raskt på plassen etter at dei fekk vita om ulykka. Foto: Håkon C. Hartvedt