Tomme kyrkjebenker under gudstenesta i Fitjar kyrkje søndag 22. mars. Foto: Kjetil Rydland.

I morgon, søndag 22. mars, blir det direktesend gudsteneste frå Fitjar kyrkje, melder kantor og kyrkjeverje Jan Overweg.

I morgon klokka 11.00 blir det ei kort gudsteneste i Fitjar kyrkje som blir sendt på Youtube.

Jan Overweg fortel at det berre blir tre personar i kyrkjerommet, som blir låst under gudstenesta. Sokneprest Roald Drønen vil tala over dagens tekst på Maria budskapsdag.

Elles vil kyrkjelydspedagog Randi Lønning Matre og kantoren sjølv delta. Overweg vil også spela litt før gudstenesta.

Klikk her for å gå til direktesendinga

Det er berre å klikka seg inn her i god tid, så får du med deg direktesendinga. Overweg fortel at gudstenesta blir liggjande på Youtube i overskueleg framtid, så du kan gå inn etterpå, om du heller vil til fjells i morgon føremiddag.

Jan Overweg legg til at det kan bli aktuelt å streama gravferder, om dei pårørande ønskjer det.