Avtroppande ordførar Wenche Tislevoll syntest det var ei æra å få opna den tiande Fitjarfestivalen.

– Det er kjekt at me får til å arrangera Fitjarfestivalen i år ogso! Me fekk til og med heilt ny asfalt til helga. No gler eg meg til å sjå miljøgata heilt ferdig, sa Tislevoll.

Ho kommenterte at Fitjar hadde fått fint ver til opninga av festivalen, men at ein toler litt regn i morgon, om det skulle koma.

– Men kva er det som er viktig med denne festivalen? Jo det er samkjensla den gjev oss. At me vert stolte av bygda vår. At me skapa liv og røra i bygda. Årets Fitjarfestival har alt frå kyrkjekonsert til kino, fortel Wenche Tislevoll.

Ho tok fram lokal mat som ein raud tråd i løpet av helga.

– Den viktigaste delen av denne festivalen er sjølvsagt eldsjelene. Ingenting hadde vore mogleg utan frivillige som står på, sa Tislevoll. Ho ville spesielt nemna Odd Sverre og Vidar Larsen som lar festivalen nytta kaien.

Årets styre.

Tislevoll tok til slutt opp styret på scena, og rosa innsatsen deira.

– Som de ser er det ei kvinnetungt styre, mannfolk ikkje ver redd for seia ja til styreverv!

- Annonse -

Etter denne offisielle opninga ved ordføraren vart det gratis kaka og kaffi. Noko som såg ut til å falla i god smak blant festivalgjestane.