Heile 25 kvinner og menn stilte til start i Fitjar Halvmaraton som blei arrangert søndag ettermiddag.

Av dei 25 deltakarane i dagens halvmaraton var fem kvinner, bl.a. dei gamle kjenningane Bodil Melkevik og Astrid Dahle frå Haugesund. Men det var ei «ny» dame som stakk av med sigeren. Maryna Novik frå Vindafjord IL viste seg klart sterkast frå første steg, og vann med nesten 8 minutt på nr. 2, Astrid Dahle. Med den nye løyperekorden på 1.30.48 vann Novik også skjoldet for høgast poengsum, der ein tar omsyn til kjønn, alder og tid.

I herreklassen hadde Bjørn Tore Taranger frå B FG Fana bestemt seg for å revansjera fjorårets 4.-plass. Lenge såg det vanskeleg ut, etter som veteranen Harald Engevik la ut i stort tempo, og  snart skaffa seg nokre sekundars forsprang. Men nedover Tveita begynte Harald å bli sliten, og då dei nærma seg Vik, blei han teken igjen av Taranger. Og denne gongen hadde ikkje Bjørn Tore Taranger problem på slutten. Etter ein svært solid sluttspurt, gjekk han i mål i einsam majestet på tida 1.23.14. Harald Engevik måtte nøya seg med 3.-plassen denne gongen, etter at han og blei passert av nykomlingen Håvard Ellefsen på slutten.

Fitjar Idrettslag seier seg godt nøgd med eit prikkfritt arrangement. Deltakartalet var svært gledeleg; årets rekord er omtrent 10 deltakarar meir enn gjennomsnittet. Gledeleg var det og at regnet let venta på seg til siste løpar hadde gått i mål. Med lett bris, lettskya ver og rundt 20 grader var det ideelle forhold under dagens løp.

Resultat:

Damer:                           
1. Maryna Novik; Vindafjord IL      01:30:48   
2. Astrid Dahle, Haugesund IL      01:38:15  
3. Henriette O. Kvarme, privat      01:48:59 
4. Bodil Melkevik, Haugesund IL   01:51:13
5. Ingjerd Sørheim, Fodno           01:54:48

Herrar:
1. Bjørn Tore Taranger, BFG Fana   01.23.14
2. Håvard Ellefsen, privat              01.23.44
3. Harald Engevik, Stord IL            01.25.05
4. Trygve Dahl, Stord IL                01.28.08
5. Frode Johansen, privat              01.31.00
6. Skjalg Duesund, TF Klipetusser   01.32.13
7. Per Gunnar Alfheim, BFG Fana    01.32.39
8. Roar Pedersen, Fitjar IL             01.35.24
9. Tor H. Vestbøstad, Fitjar IL         01.38.31
10. Magne Aarbø,privat                  01.48.04
11. Michael Gunnarson, Fodno         01.48.34
12. Svein Aarbø, Fitjar IL                 01.48.57
13. Sigve Sæbø, Hydro                    01.49.31
14. Svein Rasmussen, Kondis           01.51.43
15. Jan Lillemoen, Hovding              01.54.33
16. Øystein Dahle, Haugesund IL      01.57.16
17. Jonny Kjærland, Stord Sykkelklubb 02.02.53
18. Steinar Øen, Tertnes                   02.05.24
19. Wiktor Jansen, Haugesund IL       02.10.42
20. Johs. Slethaug, Hovding              02.21.57