– Sender nokre bilder av ein delfin me observerte då me var på veg i båt fra Dåfjorden til Brandasund torsdag 11. august rundt kl. 11.45, skriv Hans Kobberstad til fitjarposten.no

– Vi oppdaga delfinen eit stykke nord for Dåfjorden. (I området vest for Westerheim, ikke så langt frå land. Delfinen såg ut til å vera ganske ”selskapssyk” for han hoppa fleire gonger ikkje så langt frå båten. Det var ei svært flott oppleving, seier Kobberstad.

På turen tilbake frå Brandasund (ca. 18.30), oppdaga dei delfinen på nytt. Denne gongen nokre få hundre meter lenger nord i Stokksundet.

– No var han ikkje så interessert i å lage show for oss, og han forsvann etter kvart vidare nordover, seier Kobberstad til slutt.

Han reknar med at det òg er andre som har sett denne delfinen.

I så fall tek me gjerne imot fleire bilete.