Mange fitjarbuar har dei siste dagane, etter kl 22.00, fylka seg for å sjå transporten av dei lange vindmøllelementa som skal monterast på Midtfjellet. Men først på måndag kjem den første transporten med svært lange element.

– Det er delar til tårnet som kjem måndag kveld, og transporten skal starta frå Eldøyane kl 22.00, seier dagleg leiar i Midtfjellet Vindkraft AS, Ole Vidar Lunde, til fitjarposten.no. – Tysdag kveld kjem så vingen, legg han til.

Lunde understrekar imidlertid at det er berre dei skikkeleg lange elementa som kjem i mellom kl 22.00 og 06.00. Dei andre kjem på dagtid. Mellom anna kjem truleg krana i helga. Den svære krana er på veg frå Malmø, og for å frakta ho med alt utstyr måtte det 11 semitrailerar til. 

– Mykje kan sjølvsagt skje på veg frå Malmø. Men om alt går bra, kjem altså desse semitrailerane til Fitjar i helga, seier Lunde til slutt.

anabolen