Damelaget spelte ein ny god kamp søndag, og kom heim får Askøy med 3 poeng i bagen etter siger 3-1 mot Apollo.

Fitjar sitt damelag spelte sin tredje seriekamp for året borte mot Apollo, på Davanger kunstgress på Askøy. I den steikane varmen tok Fitjar tak i kampen frå start av. Laget kom til fleire store sjansar i kampen, men utteljinga lot venta på seg.

Udyktighet i avslutningane i tillegg til ein god Apollo-keeper gjorde at laget måtte venta til det 43. speleminutt før det blei nettsus. Målscorar for Fitjar var Birte Steinsland. Andre omgang starta Fitjar-laget veldig bra, og etter 2. minutt blei Stina Rimmereid felt av Apollo sin keeper, og dommaren peika på straffemerket. Britt Lise Volden sette straffen sikkert i mål. Når så Stina var frampå og dunka 3 – 0 i nettet, såg kampen ut å vera avgjort.

Apollo reduserte på corner etter 80 min. og hadde ein ball i stolpen eit par minutt etterpå. Med redusering der kunne det blitt ein spannande avslutning på kampen. Men kampen ebba ut med nok ein seier til damelaget, den tredje av tre mulige så langt. Heile laget skal ha ros for god innsats i den sterke varmen på Askøy.