Haugaland og Sunnhordland politididtrikt melder om ein påsett brann ved skulen natt til laurdag.

Det var ein forbipasserande som oppdaga brannen, og han fekk andre til å melde frå. Det viste seg at einkvan hadde sett fyr på fire boss-spann på skuleområdet. To av desse sløkte av seg sjølve. Dei to andre vart sløkte av folk som kom til. Det eine spannet stod nær husveggen slik at det var fyr i bordkledningen. Sløkkjarane kunne nytta skulen sin brannslange, då dørlås opnar seg ved utløyst brannalarm på skulen.

Laurdag føremiddag ber politiet om tips viss nokon har sett noko som kan oppklare hendinga.