Bømlafjordtunnelen har vore stengt i dag tidleg. Tunnelen er no opna att.

Ein tilhengjar til eit vogntog velta og sperra alle tre felta i tunnelen om lag 2 km inne i tunnelen frå Stord-sida. Hengjaren var/er lasta med betongelement. Vogntoget var på veg opp av tunnelen då det måtte stanse, begynte å rulle bakover – og hengjaren velta.

– Tungberging vart rekvirert, og ein vil i første omgang prøve å få frigjort eitt av køyrefelta, meldte politiet.

Det var klokka 5.25 i dag tidleg at Vegtrafikksentralen i Bergen meldte om uhellet til politiet.Tunnelen var i utgangspunktet delvis stengt pga. vedlikehaldsarbeid, men vart då heilt stengt.

Det er ikkje meldt om alvorleg skade på sjåføren av vogntoget.