Fredag stod leiken i sentrum då 3A og 3B var på besøk på biblioteket.

– Biblioteket har i den siste tida rydda i hyllene, og det har samla seg opp ein del utgåtte bøker. I den anledning vart 3.klassane ved Rimbareid skule invitert til ein «leik med bøker»-time, skriv Silje Vågen Torbjørnsen til fitjarposten.no.

Ho fortel vidare at elevane fekk prøve seg på fem ulike stasjonar: bygg eit boktårn, boklengde, bokling (bowling med bøker som kjegler), sprintlesing og bokbering. Elevane gjekk på oppgåvene med glød og iver. Det var ingenting i vegen med innsatsviljen.

– Takk for hyggeleg dag til elevar og lærarar, og ikkje minst Sunniva Tveita som hadde arbeidsveka, seier Silje til slutt.