-Det var svært bra å få oppleve korleis ”Idol-finalistane” vert teken vare på. Eg er rett og slett litt imponert, seier mor til Ørjan, Anne Grethe Hatlevik, til Fitjarposten.

IMPONERT: Anne Grethe Hatlevik er imponert over korleis "Idol-finalistane" vert teken vare på! Diva seier berre voff, voff! Foto: Håkon C. Hartvedt

I helga var ho og føresette til dei andre idol-finalistane i Oslo der dei fekk orientering om kva som no ventar dei som er att i konkurransen. Og ho talar svært vel om både presseansvarleg og opplegget rundt idolane, med psykolog og det heile.

Ho kom til Gardemoen der ho møtte Ørjan og Anders som kom frå Kristiansand. -Då fekk eg òg oppleve korleis ungjentene strøymde til rundt dei. Det var ein spesiell oppleving i seg sjølv, smiler ho.

-Økonomisk er det slik at idolfinalistane får det dei treng til opphald og mat. I tillegg har dei alle fått ein slump pengar som forskot på Idol-CD`en.

Hardt arbeid
Men finalistane går tøffe veker i møte.

-Dei har fri søndagane. Elles vert det knallhardt arbeid, heile tida, seier mor til Ørjan til slutt, medan me tek bilete av ho saman med hunden deira, Diva. Diva for sin del voffar i veg om at ho ikkje skjønar at Ørjan må vera vekke så lenge, men ho skal følgja med han på TV, lograr ho.

safe steroids