På toppen får du flott utsikt over Storavatnet, Fitjarøyane m.m.

Komande søndag arrangerer Barnas Turlag tur til Vekslinjuten, ein av fire toppar som er med i årets Topptrim, og eit fint mål for heile familien.

Dei tre andre toppane i Topptrimmen er Dyvikesåto (Sagvåg), Tindane (Fitjar) og Trollevassnibba (Valevåg). Alle toppane kan ein sjølvsagt ta når det passar, men to av dei blir òg organiserte turar. I tillegg til Vekslinjuten blir det organisert tur til Dyvikesåto 6. september.

Ein får kjøpt klippekort til borna hos Larsen eller ved oppmøte på søndag kl 12, og det er ingen påmelding på førehand. Turane er gratis, og det er ikkje nødvendig å vera medlem i Turlaget for å delta.

Turen på søndag startar ca 250 meter sør for avkøyringa til Svartasmoget, og det tek ca 1 ½ time roleg gange opp til toppen. Undervegs blir det spørsmål, og på toppen blir det enkel premiering til borna.

Hilde Førre og Rolf-Atle Rolfsnes er Fitjar sine representantar i styret for Barnas Turlag, og håpar at mange finn fram støvlane og blir med på turen på søndag.

På toppen får du flott utsikt over Storavatnet, Fitjarøyane m.m.