Pøylo heilt nørdst i Dåfjorden. Foto: FP-arkiv/KR.

I neste veke startar Stord-Fitjar Turlag opp med seniorturar frå Fitjar.

Fitjar gror over av spreke seniorar som vil ha noko kjekt å fordriva tida med. Og no treng dei ikkje lenger gå og stura kvar for seg, for i dag kan Per Audun Kloster melda at det blir fem seniorturar framover våren, den første onsdag 13. mars.

Om ikkja anna er sagt, er det oppmøte for turane på parkeringsplassen ved Fitjar bedehus kl.10.00. Det blir tur annankvar onsdag i mars og april, og den siste seniorturen i vår blir onsdag 22. mai. Programmet ser slik ut:

Onsdag 13. mars: Utsiktspunkt i Fitjar
Start frå parkeringsplassen ved Fitjar bedehus. Turen går på veg og sti og er innom Storhaugen og Valberget. Kan vera enkelte blaute parti. Lett tur. Ca. 2 timar. Kjentmann Per Johan Vestbøstad. Turleiar Ellen Vestbøstad, tlf. 913 97234

Onsdag 27. mars Olstjødno – Kidno
Turen starter ved Olstjødno og går på grusveg fram til Svartavatnet. Deretter på sti til Kidno, over Kidnaakslo og tilbake til Olstjødno. Middels tur. Ca. 3 timar. Kjentmann: Oddvar Volden. Turleiar: Per Audun Kloster, tlf. 957 43190.

Idylliske «Grønland» i Vinnesvatnet i Austevoll. Foto: FP-arkiv/KR.

Onsdag 10. april Tur til Austevoll
Oppmøte ved bedehuset kl. 09.00. Ferje frå Sandvikvåg til Husavik kl. 09.30. Tur til Vinnesvatnet tur- og aktivitetsveg. Deretter til Veten 214 moh. Flott utsiktspunkt. Kongsen 185 moh. Middels tur. Ca. 3 timar. Kjentmann: Leif Magne Vik. Turleiar: Per Audun Kloster tlf. 957 43190.

Onsdag 24. april Rydlandssago – Vekslio – Norde Dåfjorden
Frå parkeringsplassen ved Rydlandssago. Turen går på sti og traktorveg til Vekslio og vidare ned til Dåfjorden. Lett tur. Ca 3 t. Turleiar Toralv Røen, tlf. 938 64817.

Onsdag 22. mai Handfjellssåto
Start frå skytebanen i Årskog. Følgjer veg til fjells og vidare langs gamle kyrkjevegen forbi Kyrkjevatnet og opp på Handfjellssåto 465 moh. Deretter rundtur der me går innom buvegen. Middels tur. Ca. 3,5 timar. Turleiar: Per Audun Kloster, tlf. 957 43190.

- Annonse -

Per Audun Kloster vonar dei spreke seniorane i Fitjar vil slutta godt opp om det nye turtilbodet.

Utsikt frå Handfjellssåto. Foto: FP-arkiv/KR.