Frå eldredagen for tre år sidan. Foto: FP-arkiv/KR.

I morgon blir Eldredagen markert på Fitjar vidaregåande skule, med eit rikt og variert program.

Det er Grete Marit Veka Maraas som fortel dette til Fitjarposten. Ho er leiar i utval for oppvekst og omsorg og medlem i Fitjar eldreråd.

Som vanleg er Fitjar vidaregåande skule vertskap; dei har pynta kantina for dagen, og står for serveringa. Arrangementet tar til klkka 15.00.

Eldredagen blir opna av leiaren i Fitjar eldreråd, Eva Pernille Tufteland, og ordførar Wenche Tislevoll vil koma med ei helsing.

Elevar i Fitjar kulturskule spelar, og ekteparet Elisabeth Moldestad og Olav Johannes Oma vil bidra med opplesing og tale. Det blir orientert om «Aktive saman», eit prosjektarbeid i Fitjar kommune. Finn Maraas spelar til allsongen.

Det heile kostar 100 kr, og det vert trekning av gevinstar på billetten, fortel Grethe Marit Veka Maraas, og legg til at ho vonar folk finn vegen til Fitjar vidaregåande skule i morgon.