No treng du ikkje lenger dra til Stord for å få fiksa bilen. I morgon opnar ny bilverkstad i Årskog.

Det er Jurij Gulevic og Andrius Kiudys, med god konsulenthjelp av Reidar Helland, som då startar opp firmaet Årskog Bilservice. Du finn dei i eit 400 kvadratmeter nytt lokale om lag 100 meter frå hovudvegen.  Kjem du frå Fitjar, tek du 2. avkøyrsle til venstre. Lokalet ligg ikkje langt i frå den store hallen til Arne Vik og Reidar Helland.

Både Jurij og Andrius er opprinneleg frå Lithauen, men dei har no etablert seg på Fitjar. Bil og motor har vore deira hovudinteresse frå dei var små. Begge har mange års erfaring med bilmekanikararbeid. No gler dei gler seg over å kunne jobbe profesjonelt i eige firma med det som òg har vore hobbyen deira.

Dermed har me altså høve til å få service, reparasjonar, oljeskift, drop-in-hjulskift med meir her i bygda att. 

– Me gjev òg tilbod om dekkhotell, smiler eigarane.

Skulle du lure på kva det er, tyder det at dei skifter dekka dine, og tek vare på dei som er skifta ut, til det er tid for å skifte tilbake att.