Politiet fekk litt før klokka fire i natt melding om ein bil som hadde kjørt inn i ein stolpe på kaien på Sandvikvåg. Ein fitjarbu er teken for forholdet.

Vitne hadde observert ein ung mann i bilen medan han sladda rundt i stor fart, før han mista kontrollen og peiste rett i ein stolpe. Bilen fekk store materielle skadar.

-Då politiet kom fram var føraren av bilen borte. Men seinare på natta vart politiet kontakta av ein som hevda han eigde bilen. Han kunne fortelje politiet at nøklane og bilen hadde forsvunne medan han var på fest ein annan plass i kommunen, opplyser operasjonsleiar Trond Olav Friberg ved Haugaland og Sunnhordland politidistrikt.

Siste:
Ca. kl. 07:30 vart ein 21-åring fra Fitjar teken. Vedkommande var rusa, og sjølv om han nekta for køyringa, hadde ein  tilstrekkeleg grunnlag for å kunne ta dei nødvendige prøvene. Det førte til at fitjarbuen vart meldt for promillekøyring og for ikkje å ha meldt frå om uhellet.
Førerkortet vart beslaglagt.

Saken vert etterforska ved Stord lensmannsdistrikt.