Betelskipet «Elieser 6» legg laurdag til på Meierikaien på Fitjar. Om kvelden blir det møte med både åresal og koldbord om bord.

Kl. 18.00 er det «Eliesertreff» der ein fortel litt om båten, har ein kort andakt og enkel servering, i tillegg ei lynutlodning. Helge Krosli frå mannskapet vil halda andakt, og det vert mykje song og musikk.

Kl. 20.00 (Merk tida. Ho er flytta fram ein time) startar så ein ungdomskveld som er open for alle. Dette møtet vert leia av Kjerstin Stokken, og vidare vert det andakt, lynutlodning, artige konkurransar og stort koldtbord, laga til av husmora om bord. Me har opplevd koldtborda hennar før, og det er berre å gle seg.

Betelskipet er nummer 6 i rekkja av Betelskip som har sigla for Den indre Sjømannsmisjon sidan 1903. Kystfiskarar i generasjonar har møtt på skipet, og mange har svært gode minne i møte med det. Etter denne sesongen skal det skiftast motorar i skipet, og det er innsamlingsaksjonar i gang for å samle inn nok pengar til kostnadene i samband med dette. Det vil bli nærmare informasjon om både båten og dette på laurdag.

-Om nokon har med seg gevinstar er me sjølvsagt glade for det, seier misjonssekretær Truls Nygård til fitjarposten.no