Politiet fekk rundt kl 22:30 melding om eit mogeleg båtforlis i Fitjarvikjo. Redningsetatane og politi er no på plassen. Men det kan sjå ut som om meldaren er blitt lurt av ein ROV. (Fjernstyrt undervassbåt).

Ein fiberkabel som går ut ifrå Havn vart øydelagt søndag morgon. Og ROV-en var i kveld på søk i samband med dette.

– Folka om bord i båten som styrte ROV-en kunne fortelje at ROV-en mellom anna var i overflatestilling og så dukka. Sidan ROV-en har lys på, kan dei bli tekne for lanterner, og når han dukkar, kan det jo unekteleg sjå ut som om ein båt forliser, seier brannsjef Tore Nesbø, og legg til:

– Me meiner såleis som sikkert at me har funne ut av denne saka, og aksjonen er no avblåst.

Ingressbilete: Fitjar Brannvesen rykte ut med både bil og båt. Men denne gongen hadde det heldigvis ikkje skjedd noko ulykke. Foto: Håkon C. Hartvedt