Fitjar skulekorps. Foto: Ingrid Hovstad

Med strålande sol og over 20 grader, kan ein ikkje kalla årets 17.mai anna enn ein suksess.

I sin finaste stas hadde særdeles mange teke turen til Fitjar for å gå i årets barnetog. At ein ikkje gjekk den vanlege ruta, grunna anleggsarbeidet i sentrum, sette ingen stoppar på feiringa. Barnehage- og skuleelevane skein om kapp med sola, og ropte høgt sine innøvde rop.

Fitjar skulekorps leverte varene i toget, for ingen 17.mai-tog er komplett utan nydeleg hornmusikk. Fremst i toget smilte ordførar Wenche Tislevoll, og leiar i Fitjar musikklag Svein Olav Raunholm. Fitjar musikklag hadde ansvar for årets 17.mai arrangement.

Fitjarposten håpar alle hadde ein flott nasjonaldag!

Her er eit knippe bilete frå årets tog.

- Annonse -