Det er mange kjekke ting som skjer i barnehagen no i adventstida. Fredag 17. desember hadde vi for fyrste gong ”Barnas julebord”!

Det er mange kjekke ting som skjer i barnehagen no i adventstida. Fredag 17. desember hadde vi for fyrste gong ”Barnas julebord” ! Dette kjem nok til å bli ein ny tradisjon. Barna kom til barnehagen fint pynta og hadde nok gleda seg  ekstra til denne dagen. Vi begynte med felles samling, der det var juleforteljing ved Roald Drønen. Han fanga dei små si merksemd og viste ein kjempestor adventskalender.

Etterpå var det gang rundt juletreet og utdeling av ein liten pakke til kvar. Så gjekk vi inn på den andre avdelinga der festbordet var pynta! Og menyen: pinnekjøt, kålrotstappe og poteter! Det smakte godt og appetitten var god! Tilslutt var omkvedet ” Nei takk, eg er forsynt!” . Men då iskakene kom som dessert, var det plass til litt meir i dei små magane.