Fitjar tok laurdag sin tredje bortesiger i haust då dei beseira Baune II så klart som 6-0.

Tabelljumbo Baune, som hadde vunne sine to siste heimekamper, mot Solid og Laksevåg, var bra med på notane første kvarteret, men etter kvart tok Fitjar-gutane meir og meir over banespelet. Det gjekk rundt halvtimen før laget fekk utteljing, då Andreas Torland heada ballen i mål etter hjørnespark.

Få minutt før pause doblar midtstopper Helge Træet leiinga når han headar inn eit nytt hjørnespark. Når Øyvind Fykse Lie legg på til 3-0 på eit fint skot frå 20 meters hald, er kampen i realiteten avgjort. Fitjar dominerer banespelet totalt etter dette og gir seg ikkje før det står 6-0!

Defensivt har Fitjar-laget vore solid heile sesongen, det er offensivt laget har slite i fråværet av fjorårets suverene toppscorar, Thomas Vestbøstad Waage. I dag losna det med seks ballar bak Baune sin sisteskanse, men med meir effektivitet kunne det ha blitt langt fleire.

Forsvaret var igjen solid med Helge Træet i spissen, på midten spelte storebror Kjell ein god kamp. I tillegg hadde Øyvind Fykse Lie ein fot med i dei fleste måla med fire målgivane pasningar og ei scoring.

Neste kamp for A-laget er heime fredag 9. september mot Laksevåg II.