Bakken Barnehage var nyleg på teambuilding-tur til Malaga. Der vitja dei sjømannskyrkja El Campanario sitt senter med gjestehus.

Den eksotiske atmosfæren på El Campanario er spesiell. Her finn du eit hageområde med smijernsportar og buegangar, fargerike blomar og store palmar som vaiar i vinden.

Gjestehuset er frå 1500-talet og har halde på mykje av sitt rustikke særpreg. Eigedomen har symjebasseng, badstue og avskjerma uteplass for soling. Du finn også eit lite kapell for tidebøn og eit rustikt kyrkjerom for ro, musikk og deltaking, om du ynskjer det.

Torunn K. Aarskog, styrar i Bakken Barnehage, seier El Campanario var ein perfekt stad for avkopling og samansveising. – Personalet fekk nokre gode dagar her med sightseeing, marknad, sol og bading, samt arbeidsøkt der neste årsplan var på agendaen.

Personalet fekk også dela tankar og idear omkring kva dei ynskjer å arbeida vidare med i neste barnehageår. – Dette blei ei langhelg me ser tilbake på med glede, og gode minner me tek med oss i kvardagen, fortel Aarskog.