Sonja Fitjar Waage har sendt oss ein e-post om 10. klasse sin tur til Dagali, der 35 elevar og fem foreldre var med. Ho har også tatt alle bileta som er med.
Avgangselevane frå Rimbareid barne- og ungdomsskule reiste i år til Dagali på avsluttingstur. Der fekk dei prøva seg på mange spennande aktivitetar, mellom anna elverafting, rappellering og gokartkøyring. Elveraftinga baud på utfordringar der kravet om godt samarbeid var absolutt. I rappellering fekk den einskilde verkeleg testa ut høgdeskrekken; dette var ei utfordring som verkeleg kribla i magen. På gokartbana var det enkelte elevar frå Fitjar som snuste på banerekorden; her var konsentrasjon og taktikk avgjerande for prestasjonane. Fredag kveld returnerte elevane til Fitjar att, mette av mektige naturopplevingar, trøtte etter travelt leiropphald seine kveldar/netter. Representantar frå foreldra melder om at ungdommane frå Fitjar viste eksemplarisk framferd og heroisk innsats på ekstremsportøvingane.
