Spektakulær armbrøstskyting og knivkasting er noko av det du kan oppleva om du vitjar Cirkus Arnardo som kjem til Heiane Vest neste torsdag.

Det er dei italienske artistane Elena Busnelli og Giacomo Sterza, alias The Jasters, som står for begge desse heilt spesielle innslaga.

– Akkurat som Wilhelm Tell skyt Giacomo med armbrøst og gjennomborar med sine skarpe piler eit eple som er plassert på hovudet til kona.Her er det ingen rom for feilmarginar, og eg er letta kvar gong dei er er ferdige med framsyninga si og framleis lever, seier cirkusdirektør Arne Arnardo i ei pressemelding. Og knivkastinga er ikkje mindre nervepirrande.

4. generasjon

Spesielt med dette tradisjonsrike sirkuset i år er vidare at 12 år gamle Luigi Arnardo debuterer i manesjen som fjerde generasjon Arnardo.

Elles vert det som seg hør og bør høgtflygande luftakrobatikk, morosame klovnar, ei britisk sentrifugal ferd på 16 spinnville rulleskeisehjul, jonglering, flotte dyr og meire til.

– I cirkusets 64. sesong byr direktør Arild Arnardo på fart, spenst, styrke og ikkje minst spenning. Godt foreint med lun og varm humor, heiter det i pressemedlinga.