Rune Aarbø skein som ei sol i Litle-Melen i går, årets første hare har ingen grunn til å dela gleda. Foto: Privat.

Harejakta har begynt, til stor glede for ivrige friluftsfolk i Øvrebygda, og i går måtte årets første hare lata livet i Litle-Melen.

Det våte og ugjestmilde haustvêret hindrar ikkje skikkelege friluftsfolk frå å komma seg ut. Tradisjonen tru trekte dei ivrigaste harejegerane til fjells for å jakta hare i Melen denne helga.

Synet av Rune Aarbø med årets første hare er eit lysglimt i ein grå kvardag. Biletet er så kjekt at me ynskjer å dela det.

I Litle-Melen, eit stykke nedanfor den høgaste toppen i Melen, var Rune heldig og fekk has på årets første hare. Dei gjenlevande harane er hermed advarte!

Harejakt med Rune Aarbø og Håvard Helland hadde me ein lengre artikkel om i 2013 på Fitjarposten.

- Annonse -