A-laget til Fitjar har vore ein tur nordom fjorden i dag, men måtte gi tapt for det beste laget i serien.

To mål tidleg i første omgang gjorde at Austevoll kunne kontrollera resten av kampen mot Fitjar og vann til slutt 4 – 0. Sigeren var fortent. Austevoll var eit betre lag enn Fitjar og leiar også si avdeling med berre eitt tap så langt denne sesongen.

Fitjar mangla fleire sentrale spelarar. Toppscoraren Thomas Vestbøstad Waage måtte gjera jobben som målmann sidan dei som normalt står i mål ikkje kunne vera med. Midt i andre omgong vart Thomas liggjande etter ein duell i feltet. Han måtte gå av banen med store smerter, og det er usikkert kor lenge han vert borte. Trenaren Kjell Træet måtte snøra på seg hanskane og vikariera mellom stengene.

Øyvind Fykse Lie fekk gult kort og må stå over neste kamp.
 

 
Ingressbilete: Thomas Vestbøstad Waage måtte gå av banen med skade.