Ein flott 4H-gjeng reiste til Tysnes på leir. Sjølv om det regna og myggen herja, var humøret på topp.

Den 22.-24.juni reiste sju kjekke medlemer med vaksne frå Øvrebygda 4H på distrikstleir. Leiren fann i år stad på Tysnes, nærare bestemt ved Uggdal skule. Til saman var me nærare 70 personar på leiren.

Me kom  fram fredag ettermiddag og fekk raskt opp telta våre, før middag. Seinare var det underhaldning og diskotek. Alle fekk dansa godt i frå seg, og det vart ro i leiren når rosignalet vart gitt. Kanskje kan myggen som herja ute, få litt av æra for at alle kom seg fort inn i telta sine.

Neste morgon var det opp til frukost og avgarde på aktivitetar. Alt frå scrapping til klatring stod på programet. Om ettermiddagen var det klart for volleyballturnering. For første gang på mange år var det så mange frå klubben vår som reiste at dei kunne stille eget lag. På førehand herja negativiteten blandt medlemene, men etter eit tap og to vinn, var finaleplassen på søndagen sikra. Stemninga var på topp, og sjølv hadde eg og dei andre vaksne hås hals etter all heiinga.

Etter kampane var det duka for middag, og me fekk servert grilla laks. På kvelden var det diskotek att, og både store og små dansa . Når tida kom gjekk dei fint i telta sine. Utslitne av dansing og med ein søvndyssande lyd av regnet som traff teltduken, sovna dei fort.

Søndags morgon vart me møtt av eit fæla regnvêr. Etter frukost var det på med regnkle og tid for  å byrje og rydde saman. Når all bagasjen var komen i bilen, var det klart for volleyballfinale.

For første gang på godt over ti år var Øvrebygda 4H i finalen. Medlemene kjempa godt, men det heldt akkurat ikkje til førsteplass. Det stoppa ikkje feiringa og medlemane jubla høgt over andre plass. Eg håpar dei jublar litt endå, eg er i alle fall veldig stolt og imponert av dei.

Etter fotografering av laget, måtte me ta ned telta. Våte vart dei rulla saman og trykt i posane sine. Så var det premieutdeling og pizzasnurreting før heimreise. Vei heime vart trøttefjes møtt av blide foreldre. Dei kunne me fortelja at alle medlemene hadde kost seg og ville reise på leir att til neste år.