Tradisjonen tru er det konfirmasjon i Fitjar kyrkje 2. søndag i mai. Slik også i år. Dei 42 konfirmantane vart delt inn i to puljar, med konfirmasjonsgudsteneste for dei første kl. 10.00, og for dei andre kl. 12.00. Ikledd sine kvite kapper varr det eit vakkert syn då dei kom i prosesjon fram til kyrkja. Like nedanfor kyrkjetrappa stoppa kyrkjelydspresten dei for å gi sine siste instruksjonar før dei gjekk inn i kyrkjebygget. Der vart dei møtt av fotograferande slektningar, smil, gode tankar – mens høgtidsgudstenesta tok til. Fitjarposten ønskjer dei alle til lukke med dagen.