Desse fem geitene har nok eit kjedeleg ettermiddag i vente; her må dei nok stå til fjære sjø i ettermiddag. Foto: Fitjarposten-tipsar.

Geiter fanga på skjer!

På eit skjer ved Svelto i Fitjarøyane har fem geiter gått seg fast, og må nok venta på fjære sjø i ettermiddag før dei kjem seg til lands igjen.

 

Vår mann i Fitjarøyane var ute og sette teiner då han oppdaga fem uheldige geiter som har gått seg fast på eit skjer ved Svelto. 

– Dei må ha gått ut dit då fjæra var på det lågaste, seier han, for no flør det, og geitene har ingen sjanse til å komma seg tilbake nett no.

Dermed må nok dei uheldige geitene venta på fjære sjø i ettermiddag, i halv sjutida, før dei kan gå tørrskodde til lands igjen.

Geiter er modige dyr, men dei er ikkje kjende som gode symjarar, så dei har nok ein kjedeleg ettermiddag i vente på skjeret. 

 


Her står geitene enno, om ikkje nokon har forbarma seg over dei. Utsikt innover mot Kalveid. Foto: Fitjarposten-tipsar.