Kjekt på Handballfestivalen; f.v. Elisabet, Elise, Runar Øvrebø (gymlærar for jentene), Tomine og Andrine. 

På handballfestival i strålande pinstivêr

Hanballfestivalen på Stord er i full gang i ideelt festivalvêr, og Fitjar er godt representert med seks lag. 

 

5500 handballspelarar frå fjern og nær blei velsigna med eit strålande pinstivêr då den 29. Handballfestivalen blei opna laurdag føremiddag. 

Blant dei vel 400 laga under årets festival finn me seks jentelag frå Fitjar; J11 fødde 2006 eller seinare, J12 fødde 2005 eller seinare, J14 fødde 2003 eller seinare, mini jenter 9 (2008) mini jenter 7 (2010) og mini jenter 9 (2008).

Jentene frå Fitjar hadde sett opp håret til den store anledninga, og markerte seg positivt under innmarsjen. Det same gjorde den «alle stader nærværande» Runar Øvrebø, som kjenner mange av jentene våre frå jobben som lærar ved Øvrebygda skule. Den offisielle opninga i år stod den gamle ringreven Frode Kyvik for. 

Me kjem tilbake med bilete frå ein del av kampane seinare. Om du vil sjå handball i pinsehelga, kan du sjekka kampoppsettet ved å gå inn på denne linken til Handballfestivalen

 


Jentene frå Fitjar utmerkte seg positivt under innmarsjen til Handballfestivalen; det same gjorde Runar Øvrebø, som ligg framfor jentene. 

 


Fitjar-jentene med trenarar og foreldre under innmarsjen laurdag føremiddag.

 


Tomine Helland har sett opp håret til Handballfestivalen.

 

 
Frode Kyvåg som handballdommar på Stord. Foro: Kjetil Rydland.