Slik ser den flotte fana til Fitjar Idrettslag ut, i alle høve såg ho slik ut då Fitjarposten tok dette biletet i mai 2012. Foto: FP-arkiv/KR. 

Fitjar Idrettslag saknar fana si

Dagleg leiar i Fitjar Idrettslag, Vidar Aarskog, etterlyser fana til Fitjar Idrettslag, som har kome bort.

 

Fitjar Idrettslag har ei flott fane, men kva hjelper det når ingen veit kor ho er?

 

Ein lettare fortvila Vidar Aarskog vender seg i dag til Fitjarposten med bønn om hjelp. Han fortel at dei har leita veldig lenge, men det ser ikkje ut som om fana dukkar opp nokon plass.  

 

Han har vondt for å tru at fana har blitt kasta – det same har me – og no lurer Vidar på om nokon i bygda har sett noko til fana i seinare tid. Han vil setja stor pris på om nokon kan koma med opplysningar søm fører til at den vakre fana kjem til rette igjen! 

 

I fall du veit noko, ta kontakt med Vidar Aarskog på Fitjar kultur- og idrettsbygg.