Fitjarskyttarane på standplass i dag. Foto: Privat. 

Fitjarskyttarar på feltsamling

Samlaget arrangerte i helga feltsamling på Kalland, skytebanen til Haugesund og Sveio, med fleire ivrige skyttarar frå Fitjar.

 

Saman med fleire gode hjelparar gjorde Arne Birkeland frå Haugesund og Sveio skyttarlag og Eivind Lien frå Ølen skyttarlag ein god jobb då over 20 skyttarar var i aksjon i eit nydeleg vêr i dag. 

Alle hadde ein kjempedag på skytebanen med ulike typar feltfigurar og litt teori, fortel Anita Bakkane. I tillegg til henne var Lars Sigurd og Ruben Kristoffer Tufteland deltakarar fra Fitjar Skyttarlag. Sidan det var vinterferie, klaffa det ikkje for fleire denne gongen. 

No ser gjengen fram til fleire feltstemne i nærmiljøet. Ølve står for tur søndag, og neste helg er det Haugesund/Sveio lørdag og dobbeltstemne i Jondal på søndagen.

 


Skytebanen til Haugesund og Sveio skyttarlag på Kalland. Foto: Privat.

 


Anita Bakkane og Lars Sigurd Tufteland på Kalland i dag. Foto: Privat. 

 


Ruben Kristoffer Tufteland. Foto: Privat.