Ole Bergesen lovar ikkje raud løpar og sprudlevatn, men førstkomande søndag kan alle som var på kinopremieren få sjå filmen «Den 12. mann» på nytt utan å betala. Foto: Kjetil Rydland. 

Sjå «Den 12. mann» med tekst

Førstkomande søndag før kinopublikummet i Fitjar ein ny sjanse til å sjå «Den 12. mann», og denne gongen med tekst.

 

Då den nye Fitjar kino blei opna med stor festivitas for to-tre veker sidan, var det eit ørlite skår i gleda at storfilmen «Den 12. mann» ikkje var teksta. Som kjent var det ein del tysk og litt samisk tale som ikkje var så lett å få med seg for alle.

 

Dette vonbrotet vil Ole Bergesen bøta på og allereie førstkomande søndag, for då går premierefilmen på nytt på Fitjar, denne gongen med tekst. Og ikkje nok med det: Alle som var på kinopremieren søndag 28. januar, kan koma og sjå filmen på nytt med tekst utan å betala noko. 

 

Bergesen vonar at mange vil nytta høvet, og koma tilbake og sjå filmen teksta. Det er berre å gi beskjed ved inngangen at du var på premieren, seier Bergesen, som elles viser til annonse på Facebook-sida til Fitjar kultur- og idrettsbygg.