Marius Torbjørnsen hoppar stadig høgare. Foto: FP-arkiv/KR.

 
Marius Torbjørnsen sette ny pers i høgde fredag kveld. Foto: FP-arkiv/Kjetil Rydland.

Marius og Marius flyr vidare

Til liks med fleire andre i den sterke Fitjar-troppen sette både Marius Pedersen og Marius Torbjørnsen personlege rekordar under friidrettsstemnet på Vikahaugane fredag kveld.

 

Den klart sterkaste serien under stemnet stod Marius Pedersen for i elleveårsklassen. Han sprang inn til nok ei god tid på 60 meter, med 9,20, som litt bak persen frå sist helg. 4,30 meter i lengde er tangering av pers, og 1,27 meter i høgde er ny personleg rekord. Marius Torbjørnsen (15) sette ny pers i høgde med 1,55. Han fekk elles 8,91 på 60 meter og 4,62 meter i lengde.

Johannes Sandvik Bø (12) sette pers i same øvinga med 1,36 meter, og på 60 m 9,24 sekund. I lengde fekk han 3,89. Bjart Sandvik Bø (11) svinga seg over fine 1,18 i høgde, litt bak persen.

Halvor Aga (13) sneik seg hårfint under 10 sekund på 60 meter, med 9,99, fekk opp 3,87 i lengde og spratt over 1,21 i høgde. Mari Solbakken hadde ein fin debut i kule, og fekk opp eit støt på 6,05 meter.

Jonas og Guro Dalen var Fitjar sine rekruttar denne gongen, og gjorde ein fin figur på 60 meter og i lengde.