Dagens ros til Fitjar kommune – og FIBO 

Det er ein av våre lesarar Arnold Maraas og sambuaren Gerd Valleland, som ønskjer å gå ut med litt ros midt i julestria.

– Eg flytta for ein tid tilbake frå FItjar og busette meg i nord. Men i mai vende eg tilbake saman med sambuaren min, Gerd Valleland, og vart fitjarbu igjen. Gerd vart fitjarbu for første gong. Så skjer det for oss heilt uventa og overraskande. Ein dag kjem ein representant frå FItjar Frivilligsentral med ei heil pakke med gåver, ei bok og elles alt eg trong for å verta kjend med heimbygda mi igjen. Ei utruleg kjekk og fin overrasking. Me har aldri opplevd noko liknande, seier Arnold på telefon til fitjarposten.no.

Men det stoppa ikkje med dette.

Paret har busett seg i Sentrumsgarden som er eigd av FIBO AS, og no om dagen kom overrasking nummer to.

– Då kom FIBO på døra med ein heilt kartong med julegodsaker, så no vil eg gje både FIBO og kommunen skikkeleg ros, sluttar Arnold.