Foto: Jan Owerveg

Gratis orgelkonsert på laurdag

Førstkomande laurdag vert det gratis «lunsjkonsert» i Fitjar kyrkje kl. 12.00.

Det er kantor Jan Overweg spelar eit halvtimes program på det nye flotte orgelet i kyrkja, og konserten er altså gratis.

Owerveg fortel til fitjarposten.no at han vil starta med «Aria variata italieno», variasjonar over eit  Bach-verk som får fram klangfargane og mange av dei forskjellige registreringane i orgelet, eit vakkert stykke.

– Så vil eg følgje opp med ei romantisk sak av Heinrich Andriessen. Dette er eit stykke kor det verkeleg skal bli orgelbrus. Kraftig og malmfull, seier kantoren.
– Det siste stykke kan vera ei overrasking, legg han smilande til.

Om det syner seg at det er interesse for dette, vil det bli ein ny konsert om ein månads tid.