Det vert ikkje masseutsending av SIM sin tømmekalender i 2017 (Faksimilie: www.sim.as)

Kor blir det av tømmekalenderen?

I år vert det ikkje masseutsending av SIM sin tømmekalender til alle husstandar. Grunnen kan du lesa i artikkelen under, som me har frå stordnytt.no.

 

– Årsaka er at me veit at fleire og fleire nyttar seg av andre kanalar for og få denne informasjonen. Selskapet har ein funksjonell tømmekalender- app, og me har nettsider med gode mulighetar for å printe ut kalender. Me meiner difor det er unødvendig og trykke opp og sende ut ei mengde kalendera som ein ikkje treng, seier plan- og kommunikasjonsansvarleg i SIM, Janne Hillersøy.

Ho legg til at det likevel vil vera mogeleg og få papirkalender for alle som ynskjer det.

– For oss er det viktig at alle som ynskjer papirutgåve av kalenderen kan få den, men me ynskjer å målrette informasjonen, understrekar ho. Som kunde kan har du fleire alternative måtar og få tak i kalender på:

1. Du kan printe ut ein versjon frå våre nettsider sim.as
2. Du kan hente tømmekalender ved ein av våre miljøsentralar
3. Du kan hente tømmekalender på rådhuset/kommunehuset
4. Du kan be SIM sende ein kalender til deg i posten.