Sveinung Myhre (t.v.), Jonas Vik og Daniel Rolfsnes var nokon av dei som koste seg med god mat i Fitjar bedehus i kveld. Foto: Håkon C. Hartvedt

Kosar seg og gler seg til rakettane

Rundt 40, ungdom og vaksne, er samla til nyårsarrangement med god mat, underhaldning og sosialt lag i kveld.

– Me kjem vel til å halde på eit stykke ut i dei små timane, seier Rolf-Atle Rolfsnes som saman med kona Ellen står i spissen av det heile, godt hjulpne av dei andre vaksne og ungdommane med.

– Me har lagt det heile opp som ein spleisefest der alle tek del i oppgåvene med å få det til. Men maten har me bestilt frå Fitjar Sjø – og Camping, smiler han.

Litt av godsakene på korldbordet. Foto: Håkon C. Hartvedt

Og både vaksne og born synes ha ha det veldig kjekt.

Både det sosiale og ikkje minst det å sende opp rakettar seinare i kveld stod høgt på lista over det dei me spurde sette pris på med omsyn til kvelden.

Då me var innom koste dei seg med koldbord. Elles stod både quiz og anna underhaldning på programmet i tillegg til kaffi og kaker.

Kl 23.15 tek dei med seg gudstenesta i kyrkja før dei held fram med rakettoppskyting, snacs og sosial nyårskos etterpå.

God stemning rundt «ungdomsbordet». Foto: Håkon C. Hartvedt